和澳門大學交手！！！

哈哈... 其實大家都好nice啦~ 而且, 大家都係初心者的level(咁即係我高級過佢地, 無理由大蝦細, 所以唔駛打! 哈哈!)

就是帶大家行下HKU, 行下街, 幫佢地搵酒店(佢地淨係知道個名, 但地址、電話係完全唔知=.=!!), 同埋帶佢地去酒店...

大家傾下計, 有說有笑的, 就是很愉快的旅程! ^_^

我覺得我越黎越適合做導遊啦!!! 呵呵~!
*********************************
投弦歸投弦, 我們還是要去道場交流的~

由於他們都是初心者級數為主, 所以師傅就沒安排搏擊對打, 反而就是狂練搏擊技巧...

「我覺得仲CHUR過上次演武大會」我說

「我有D頭暈....」師弟說

「喂... 你班MACAU FRIEND幾時先走呀???」黑大師兄喘著粗氣問我=_="

2小時, 係CHUR到呢... 如果次次訓練都係咁, 我肯定三個月我就變絕世高手了... 囧!!!
~~~~~~~~~~~~~~~~~~~~~~~~~~~~~
聽說
－－－送給一個跟我擦身而過的旅人


聽說你是最後的蝴蝶
在混凝土森林裡尋一株水仙
可惜現在已是深秋

聽說鍾情是一種信仰
看見的不是存在的
好讓都市人填補空虛的心

聽說鳳凰死後還有鳳凰
但你的腳步聲從人群之中熄滅
只遺下輕輕的冷香

明天...

詞選默書... 癡線... 點一字不漏咁質25首詞入腦啊? =_=!!!

我花了兩星期, 質了22首, 仲有三首冇質...

算了, 我放棄了, 明天三選二, 佢有種就三首都算中我唔識ge黎背啦! 哼!

可惡的默書, 搞到我連漢堡戰爭都冇得玩!!! 真是罪大惡極啊!!!

其實, 我都唔明點解要默書... 在這個資訊科技發達的年代, 我們真的需要背嗎?

當然, 你可以話, 背左先可以順手拈來. 但是, 會有人這樣拈嗎---

問世間, 情是何物, 直教生死相許? 天南地北雙飛客, 老翅幾回寒暑? 歡樂趣, 離別苦, 就中更有癡兒女. 君應有語, 渺萬里層雲, 千山暮雪, 只影向誰去? 橫汾路, 寂寞當年蕭鼓, 荒煙依舊平楚, 招魂楚些何嗟及, 山鬼暗啼風雨, 天也妒, 未信與, 鶯兒燕子歸黃土, 千秋萬古, 為留待騷人, 狂歌痛飲, 來訪雁丘處.

上面係我背默出黎, 可能會有錯, 但哩個唔係重點, 重點係邊會有人咁樣拈ga? 哩d唔係順手拈來, 係順口嘔來lo唔該...=.=!!!

與其背哩d咁ge野... 不如抽古典詞的一百句名句讓我們背, 會唔會更符合經濟原則呢?
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
另外, 就是U TEAM 訓練...

真係好CHUR... 不過, 我係唔會放棄ga!!!

讀港大四年都未試過做港大學校代表隊, 會是個笑話啊!!!

繼擊碎．一後, 下一個目標就係PERFECT的碎破... 之後學埋四向戰, 就大功告成了...

搏盡呀IV, 做到呀IV!!!
~~~~~~~~~~~~~~~~~~~~~~~~~~~~~~~~~~
終於幫自己個XANGA個頂加番兩句野...

我覺得哩兩句野都好岩形容自己... 哈哈~

雖然好極端, 但是, 我偏偏就是一個這樣極端的角色~ 呵呵!

找尋...

如果有一樣東西, 你很喜歡, 可是有一天它不見了, 那末, 你願意用多少的時間去找回它呢?

一星期, 一個月, 一年, 還是十年?

在下... 花了整整十四年!!! 哈哈... 但是皇天不負有心人, 花了十四年, 整整的十四年, 我終於找到了!!!

哈哈... 請不要笑我, 我真的有空就在網上找, 每隔幾星期便找一次, 由起初充滿希望和失望, 慢慢變成一種習慣, 是的, 我就是習慣了去找這東西...

對了, 我找到的是什麼呢? 嘿嘿....

是一只很古老很古老的遊戲---《漢堡戰爭》!!!

1995年光榮面世, 我小時有緣曾玩了好幾個月, 每天的努力, 八歲的我花了整整半年有多才爆了一次機... 但之後, 電腦壞了, 這遊戲從此就消失在我的生活之中...

人慢慢長大, 玩過的PC GAME也多不勝數, 在這個充滿密技的時代, 要爆機, 實在易如反掌, 就是不用密技, 耐心點玩多一會, 還是會勝出的.

可是嘛... 巨蟹座就是念舊...  《漢堡戰爭》是一個即時戰略遊戲, 玩家一人要和電腦三個角色對抗, 而最好玩的, 是因為當時科技落後, 沒有難易度可供選擇, 更無密技可言, 而且電腦攻打玩家時也絕不留手, 有什麼能比真真正正地打敗電腦更有滿足感呢? 14MB的檔案SIZE一看就知道是連FLASH都不如的畫面配合著MIDI音效, 這個的確沒能和魔獸世界之類的鉅作相提並論, 但是, 遊戲不就是遊戲嗎? 要那麼炫的畫面我幹嘛不跑去看電影? 魔獸有PK之王的暗影牧師, 但是這個遊戲並無必勝之法, 你只能即場和電腦鬥智鬥快... 哈哈... GAME, 這樣才痛快啊!

話說回來, 當在下滿懷高興地玩了半小時後... WELL... 我GAME OVER了=_=!!!

真係好難玩, 不過我真係好鍾意!!! 哈哈~ 在下找了你十四年了, 你知道嗎???

一張poster, 三個人在不同時間整, 結果IV, PUB SEC, TEAM CAPTAIN各自整左一張...

真係問你死未? =.=!!!

哩d咪叫做浪費時間lo!!!

唉... 算了, 算係我撻皮啦, 我真係唔想再管這些INTERNAL AFFAIRS...

其一係唔到我管, 其二就係我管到也沒誰會在意, 其三就係大家根本無莊的CONCEPT...

大家只係一間公司裡的同事而已...

換了是YR1的我, 我會盡全力拉大家回來, 但我現在已經是YR4了, 身邊有太多東西要兼顧, 我已經無勇氣, 毅力同埋本錢去高呼--- WE ARE FAMILY.

算啦... 哩個就係哩個學會的文化, 幾十年來大家也習慣了, 當人人都覺得無問題而自己覺得有問題的話, 就一定是自己的問題了. 我, 卓澄啊... 太「背時」了.

星期天, 狗會的聚會... 成家人帶埋隻狗仔去左踏單車...

well... 又或者咁講, 係成家人帶埋隻狗坐在係架四輪單車上, 由我去踏單車=_=!!!

我今天終於都明白到為什麼別人說家庭是一個重擔了=.="

不過, 還是很高興的一天啦... 哈哈!

而且, 今天見到好多狗仔... 雖然佢地好鍾意吠, 但係我覺得牠們就是十萬個可愛啊!!!
(相比之下, 我們家的gold仔就真係太文靜了... 哈哈!)